بأعطيكم 5 تطبيقات رهيبة للقرآن الكريم ، كل واحد مميزاته تسهّل عليكم وتفيدكم اللي بإذن الله وأيضًا هي مجانيّه ومن الآبل ستور..
لأنه ليش ما نستفيد من التقنية بالأجر ونبعد أنفسنا عن هجر القرآن طالما هو بجوالاتنا وبأي وقت ومكان نقدر نفتحه 💚
وبدال ما نشكر الله على هذي النعمة ننساها 💌
التطبيق الأول " ختمة "
و عن تجربة ، مذهل مذهل مذهل 👌🏻
يمديك تحددّ فيه الفترة الزمنية للختمة و الوِرد وفيه خاصية التنبيه و مكان البدء و بعض الأذكار والسنن مثل سورة البقرة و سورة الملك و سورة الكهفميزته أيضًا أنه بسيط وسلس ينفع حتى لكبار السن بيقدروا يستخدمونه، حمّلوه لهم
الرابط :
https://apps.apple.com/us/app/khatmah-%D8%AE%D8%AA%D9%85%D8%A9/id543090051
التطبيق الثاني " مصحف الحرمين "
داخله ميزات متعدده ، تفتح التطبيق و تصوّر وجه من القرآن الكريم و على طول يعطيك التفسير و المعاني و القراءة للوجه اللي اخترته .. و ايضًا بسيط 🌟الرابط :
https://apps.apple.com/us/app/quran-ar/id1457497766
التطبيق الثالث " القرآن العظيم "
عن تجربة بعد 💡مميّز جداً فيه مكتبة للتفسيرات و منوعات العلوم في القرآن الكريم منها أسباب النزول و التدبّر والأحكام .. و كذلك فيه تلاوات لعدّة قراء تقريبًا سبعة .. و فيه محرِّك بحث تقدر تكتب الآية وتطلع لك كاملة
أيضًا فيه ميزة الختمة والقراءة الليلة ، والترجمة بعدّة لغات و أيضًا مُشاركة الآيات "نصّ"
لما تحبّ تذكّر غيرك بقروب او في تغريدة تقدر تنسخها
الرابط :
https://apps.apple.com/us/app/%D8%A7%D9%84%D9%82%D8%B1%D8%A2%D9%86-%D8%A7%D9%84%D8%B9%D8%B8%D9%8A%D9%85-great-quran/id792049888
التطبيق الرابع "جامعة القرآن"
لحفظ و مراجعة القرآن الكريم ، من مميزاته يسجّل لك تلاواتك السابقة و تقدر تراجعها معه ، و لما تجي تحفظ يغطّي على الآيات المُراد حفظها وهالشي يسهّل عليك جدًا بالحفظ 📍تقريبًا التطبيق مهتم بالحفظ بشكل خاص و غالب الميزات تختص بهذا الموضوع مثل ميزة التكرار و السماع ومقارنة تلاوتك مع تلاوة القارئ .. ويحدد لك مكان الخطأ لو أخطأت ، كذلك يهتم بالتجويد بشكل مبسّط من خلال الوان لتيسيرها لك فيه دروس للتجويد تقريبًا 35 درس ، وأيضًا تقدر تضيف كتب ثانية من ضمنها التفاسير واسباب النزول والترجمة و المعاني
الرابط :
https://apps.apple.com/us/app/quran-university/id1436430931
التطبيق الخامس "إذاعات القرآن"
لإذاعات القرآن الكريم حول العالم ، فيه 500 من الإذاعات التطبيق مناسب للأشخاص اللي يحبّوا يشغّلوا تلاوات طول الوقت مثلًا بالبيت أو لما يناموا أو حتى يسووّا شغل أو رياضة الخ .. يشتغل من جوالك وطول الوقت أحس أسهل وأفضل من اليوتيوب خصوصًا ما يقاطعك اعلان او شي ، وتقدر تحدد وقت و تقدر تسجّل منه بعدوهالتطبيق فيه إذاعات متنوعة تقدّم لك "صوتيًّا" ادعية و أذكار و دروس .. 📿
وميزة مهمّة أنه يشتغل على ساعة آبل و آبل تي في
و أيضًا سهل إذا بيستخدموه كبار السن مبسّط وتشتغل التسجيلات فيه حتى بدون نت
الرابط :
https://apps.apple.com/us/app/quran-radios-%D8%A7%D8%B0%D8%A7%D8%B9%D8%A7%D8%AA-%D8%A7%D9%84%D9%82%D8%B1%D8%A7%D9%86/id542977531
و أخيراً :
الساعة من يومك اللي تخليها لآخرتك ما تضيع ، والخير اللي تنشره لغيرك يكتب في موازين حسناتكانشروا التدوينة يمكن غيركم يحتاج التطبيقات هذي.. وأيّ إضافات عندكم أو تطبيقات مميزة تقدروا تضيفوها بالتعليقات هنا 💓
ليست هناك تعليقات:
إرسال تعليق