لفتتني جملة من فترة بـ بالي " عِش حياةً تتذكرها " !
أقول لكم المغزى منها ؟💁🏻♀️
الروتين يقتل حياتك ؛ إبداعك بالتأكيد ! 😷
إذا كان نظامك هو من الدوام للبيت للنوم للجوال للأهل للأصدقاء
فأنت صراحةً يعني كأنك مو عايش 💔🙄
ما أقصد بهالكلام مثل الليّ يقولون الجملة الشهيرة
" روح أدفن نفسك من الأخير " 🙆 لا ! 😅
جرّب أن تُجرّب ! 😀
* أن تغامر مثلاً - بحدود معقولة بس .. لا تقتل نفسك 😅 -
* تعلّم شي جديد ، مو شرط دورات و معاهد و دروس ...
- عندكم قوقل و اليوتيوب طوال الوقت 👏 ❤️ -
* خّبص ' إلعب ' بشي ما قد جربته ، مثل المونتاج/التصميم/التصوير أو أي فن آخر ✨
* طوّر من نفسك ، من قدراتك بمجال خصصك ..
ترى كل فترة تطلع أشياء جديدة ، تتغيّر مفاهيم و تُستحدث طُرق و وسائل ..
لازم تتثقف في مجالك أكثر و خبرتك📈💡
* إقرأ لتستلهِم .. الكتب أبسط الوسائل التعلمية و أنفعها - لكن إقرأ بالشي اللي أنت تحبه ، لا تجبر نفسك على مجال أبداً - و لخّص اللي تستفيده من الكتاب حتى لو طلعت بكلمة جديدة في قاموسك هذا يكفي 📝👍
* إفعل نشاطات جديدة ، أي شي جديد ، أو أي تجربة تحسّ ودّك تسويها من زمان .. مثلاً أسعِد أحد ، إلعب مع أخوانك الصغار ، ساعد أمك ، زور أحد ، إطبخ ..إلخ 💁🌟
* تعرف على ناس جدد مو شرط يصيروا أصدقاء ، لا مثلاً من السوشل ميديا تتابع تابع ناس جديدة يفيدونك .. ناس تشبه لهم أو عندهم طموح و حياة إيجابية 😻 ترى يساعدوك تختار حلمك و يساعدوك تحققه - أنا مثلاً 🌚 😂امزح🏃♀️ -
و اللي ما يحبّوا القراءة عندكم * البرامج المفيدة مدّة بعضها نصف ساعة و موجودة في اليوتويب بعد ، منها برامج أدباء ، برامج علماء ، برامج دكاتره ، برامج مجرّبين الخ
| إختر منها ما يناسبك ، في المحتوى الهادف 😍💫
🎊
زبدة الكلام : أن العمر بيخلص إفعل شي تتذكره أنت و تتذكره لك الحياة ..
إفعل شي يفيد وقتك و يغنيك عن الروتين و الملل ..⏳
وقتك اللي تضيّعه اللحين ترى ما راح تقدر ترجّعه مستقبلاً ..
الحياة أمامك واسعة لا تعيش في دائرة تحكر فيها نفسك و علمك و سعادتك .. 🎈🎁
و آخر شي تذكّر أن أيامك هذي بتصير قصّة لأحفادك 👴👵 إستغلها عشان تعرف وش تروي لهم من هالقصص 🌚
أهم شي حافظ على صلاتك و أرضي ربك و بعدها أرضي أهلك و ساعد من حولك ..
معاني الحياة جميلة حلو لو تعمّقنا لها و فهمناها و عشناها بالشكل الجيد اللي نحبه حنّا مو الناس 💙
ليست هناك تعليقات:
إرسال تعليق