تجربة بدون اسماء
قبل مدّة يمكن ب شهر ابريل ..
خلّيت جوالي بدون أسماء في جهات الإتصال + الواتساب .. كان من باب الكسل والمغامرة بدايةً "بكل صراحه"
ولكن لأني استفدت بعدها شي ، بأنقل لكم شعور التجربة !
ميزتها ؟
كانت بالنسبة لي أول ايام .. لأن بديت بعدها أميّز الاشخاص بالارقام و صور العرض ..
وقتها أساساً الرقم الوحيد اللي أحفظه رقم واحد وهو أخوي بس .. الباقي مو عارفة من هم 🤷🏻♀️
- جميل شعور لما تبدأ تميزه و في القروبات تميّز أن هذا ممكن يكون فلان و هذي فلانه 😀
- متعب شعور أنه توصلك رساله لطيفة من شخص " اكيد لطيف " بس مو عارف مين 🤦🏻♀️
مو عارف واحد او واحده و تفكر كيف ترد عليه .. اساساً ما تعرف هل تعرفه او لا !
- جميل شعور أنك ترسل في مجموعة ومحد يرد عليك 🙃 و تشوف قائمة اللي شافوا وماردوا
لكن ما تزعل عليهم و لا تحزّ بالخاطر لأنك مو عارف منهم احد 👀
- لما يدقّ عليك رقم مو مسجل ما تدري شخص تعرفه و قريب او واحد غريب و غلطان
- لما يسألك أحد عن شي و تجاوب وتفيده وماتدري مين بيطلع ؟ طيب هذا من أهلي أو صاحباتي أو الشغل .."او أحد برضو غلطان"
لوهلة يمكن تحسوا الموضوع بلا معنى وتجربة سخيفة ..
أنا زيكم ما حسيت بشي بالأول بل و ملّيت من الحال و خلاص سجّلت الأرقام ..
بس خلاني هذا الشي أغيّر أسلوبي بعدها !
لما تمون على شخص مو مثل لما ما تعرفه عدل .. وكلامك محدود معاه ..
الناس ولا شي بدون أسماء ، يمكن تندم على اسلوبك اللطيف مع اللي ما يستاهل
ولكن الاهم أن الأسماء والتسميات شي يعود لك
الأسماء مع الوقت تتغير و تزيد و تنقص .. الناس بحياتك كذلك ، الشي الوحيد اللي تعرف اسمه انت
لذا عاملهم بلا مسميات ؛
الشخص اللي يقول لك كلام لطيف رد عليه بكلام لطيف 💜
واللي يسي لك قول هذا ما اعرفه .. 😅
واللي ما يرسل لك ولاشي يعني بعد أنك ما تعرفه 😌
اللي يطلب منك خدمة ساعده لا تفكر اذا بتستفيد انت من خدمته او لا 🙊
والشخص اللي تحتاج لخدمة منه حاول تبدأ تنجزها بنفسك قبل تطلب احد أو تبحث عنّ اسمه
أتذكّر دائماً عبارة لـ محمود درويش :
" وأسخف ما نحمِله يا سيّدي الأسماء "
فعلاً عشتها وتعلّمت
و كانت مغامرة لطيفة ✨
ليست هناك تعليقات:
إرسال تعليق