قائمة سعادة !

في هذي التدوينة بأقول لكم تجربة طبّقتها لمدّه سنتين .. راح تعجبكم بإذن الله 💛

هي فكرة إيجابيه تخلينا نركّز على الأمور الإيجابية في حياتنا ..

مهما كان الأيام سيئه تقدر تطلّع منها شي حلو 

أو مثلًا نعمة غافلين عنها أو حتى نصنع السعادة لأنفسنا فيها 💖💖

ببساطة الفكرة :

- تعمّلوا جدول شهري / قائمة شهرية

في الجوال أو اللابتوب أو على ورق ✒️

- تدوّن فيها أوّل بأول الأشياء الجميله - حتى لو بسيطة - 

اللي صارت لك خلال أيام الشهر و الأشياء اللي تسعدك عموماً ✨

- سويت قائمة بسيطة كل شهر له صفحة وبداية الصفحة فوق (جملة أو شِعر أو اقتباس) 🔖

بشرط أنها تعجبني + إيجابيه .. ثم تحتها تاريخ الشهر " ميلادي- هجري"  💫

- مو ضروري تكون بداية سنة جديدة عشان تسوي الجدول وتبدأ ..

إبدأ من اليوم وطبّقها بالشكل اللي يناسبك 👍🏻

- أهم شي في القائمة كلها الإنجازات ، جداً لها طابع إيجابي لما تكتبها وتوثّقها 👌🏻

- وكل سنة تخلّص احتفظ بالجدول عندك و سوّ غيره - يعني ما نحذفه -

لما تراجعه بعد شهور أو سنوات وتشوف لحضات فرحك/إنجازاتك 

سعادة عالية وشعور حلو بتعيشه 😍😌

- تقدرون بعد ما تخلّص السنة تطبعونها على ورق 

وتحفظونها عندكم كذكريات السنة مع إضافة صور وأشياء جميله لما ترجعون لها بعد زمن 💌

من خلال تجربتي حبّيت الفكرة جداً لأن الشي الحلو هو أنك تتحمس لكل يوم 

و تبادر تسوي إنجاز عشان تسجّله عندك ، هذا غير شعور لما تراجعها شي لطيف 🌟

و ما تنسى أوقات و مواعيد الأشياء الجميلة اللي صارت 💫

و بنفس الوقت تزكّز على الأمور الحلوة و الإيجابيه في حياتك وتحتفظ فيها

و تتناسى بها الأمور السلبيه اللي تواجهك 🌸

الفكرة مدري إذا أحد سووّاها من قبل أو أنا اللي إخترعتها 😅🤷🏻‍♀️

المهم كانت بدايتها إني حبيت أشارك إنجازاتي البسيطة مع أحد 

ولقيت نفسي الأهم،إني أحتفظ بلحضاتي الجميلة وأدوّنها بدون سبب 🤩

إن شاء الله أعجبتكم التدوينة واستفدتوا منها ⭐️🌹

تقدروا تشاركوها مع غيركم و تبدأوا لوحدكم أو سوا 

مع مجموعة تحبّونهم مثل أصدقائكم أو عائلتكم ..الخ
واللي يطبّقوها وتعجبهم يقولوا لي ❣️😍