قبل سنة تقريباً 😚
كتبتها بأسلوب عفوي بسيط < زي ماهي سناباتي
وأدري ذكرت تفاصيل يومية مو مهمّة
لأن كانت فكرة نقل التجربة على السناب بس و لكن لأنها أفادت الكثير أعدت نشرها
- استروا ما واجهتم 🙈 -
- فكرة التجربة /
تمرّ أحيان في بالنا تجارب و نتحمّس نعيشها !
أنا مرّت عليّ تجربة " إنعزال التواصل " كان خاطري يكون إنعزال كامل عن
الكلام سواءاً في الإلكتروني أو العادي الواقعي .. و لكن لأسباب واضحة ما
قدرت إلّا على الإنعزال الالكتروني عن التواصل ..
- تفاصيل التجربة /
بإختصار جرّبت نوع جديد من الإنعزال يعلّمني أمسك نفسي و الكلام ، فيعني أسمح لنفسي في بعض الأحيان بتصفّح التايم و أشوف الدايركت وإلخ .. لكن بدون ما أرد أو أتفاعل ، كأني مو موجودة ! و لكن بنفس الوقت كان مسموح لي أني ما أفتحها و لا أشوف شي ، يعني مخيّرة .. وطبعاً أيام ما صبرت فتحت و أيام قلت لا مو لازم أشوف شي الحمدلله..
- أحداث التجربة /
في أول أيام فضّلت الإنعزال التام ، و كان مريح جداً و كنت مقفّلة إشعارات كل تطبيق و ما تنعرض إلّا إذا شغلته ، و كان الوضع تمام لأن كان عندي أشغال أخلصها فهي كانت ماخذة وقتي كلّه .. ثم بعدها تقريباً اليوم الخامس جاء قرار سفرية عائلية وسافرنا ، و بغت تنعفس عليّ التجربة ! لكن حلّيت الموضوع
- التجربة داخل التجربة :
قلت بأجرب تجربة داخل التجربة ، يعني بما أنه ما عندي سناب و لا انستقرام ولا مكان أنشر فيه شي من المناظر اللي أشوفها بأوثّقها فيديهات ثم أرفعها فلوق باليوتيوب> كانت النية فلوق
حسيته قرار بتوقيت خاطئ شويّ .. لأني رجعت إنشغلت بالتصوير و لكن كان هو الحل المناسب لأن السفرة بأجواء عائلية صعب جداً أكمل شغلي عاللابتوب كل الوقت أو حتى أكمل أكتب .
> * لما رحنا لـ أبها تقريباً هالأيام حللّتها تحليل بالتصوير ماقصّرت أبد كأني قاعدة أطلّع حرّة الشوق للسناب
و هذي السلسلة اللي صورتها هناك :
تستاهل التعب 😌
- أحداث التجربة /
و بعدها رجعنا ، و كنت مخلّصة كل الشغل و كل التجارب اللي ما تحتاج نتّ باقي معاي اللي بالنتّ ومنها الموقع ..
ما يحتاج أخبركم عن حظّي لقينا النت منخرب ☺
بس واسيت نفسي و قلت عالأقل أقدر أقرأ بالراحة و أقدر أكتب .. تقريباً كم يوم و تعدّل الوضع الحمدلله و رجعت أشتغل ، و حتى الأيام السابقة ما قعدت فاضية جهّزت و رتّبت أمور كثيرة و إستفدت من الوقت اللي كان عندي ما ضيّعت شي ..
- آخر أيام التجربة /
آخر أيام رجع القلب يحنّ فمشيت حسب النظام إني أشغل و أنا ساكته >>تهزيء
آخر أيام رجع القلب يحنّ فمشيت حسب النظام إني أشغل و أنا ساكته >>تهزيء
بس السنابات لا ما جربت أشغل سنابات أحد ، تقريباً تويتر أكثر شي مع أني كثيرة التفاعل فيه بس مدري كيف قدرت أشوف وبس ..
- استفدت من التجربة /
من هالتجربة اللي مدتها 15 يوم / عرفت نفسي أكثر قدرت أتحكم بالكلام ، بالتصوير و المشاركة .. تعرّفت على إيش يستاهل الكلام ، الكلام نحتاجه في أمور بسيطة صغيرة رغم إننّا نعلّق على كل موضوع و نتكلم بكل موضوع سواءاً كنا نفهم فيه أو لا ! تعلمت أنه مو كل هاشتاق لازم نكتب فيه و تعلمت مو كل شي نصوّره ، و تعلمت مو كل موقف صالح للمشاركة حتى مع الصديقات لكل واحدة منّا أسلوب حياتها و بيئتها و أهلها و صديقاتها ..
الناس كانت في التيّار تتكلم و تتكلم و تقول آرائها و كنّت أحس لازم أجري مع هالتيار و أتكلم مثلهم بعد ! لكن بعد التجربة لاحظت أن كلامي في أغلب الأمور لا يقدّم و لا يأخر و لا حتى يغيّر ، طيب شالفايدة منه لما أقوله ؟ تعلّمت إني احتفظ فيه لنفسي أولاً
تعلمت أن الكتب تسافر بنا و تعطينا حياة غير اللي نعيشها و حتى الروايات ، لما تكون معزول عن العالم و كلام العالم و تقرأ تحس أنك تتقمص الأحداث و كأنك تعيشها > وصل بي الحال إن نفسيتي تتغير على حسب الأحداث اللي أقراها !
المختصر / أنت تتحكم بعالمك ، أنت تحكم بنفسك ومن تكونه هو أنت ! كن لنفسك و دع العالم لهم
___________________________________________________________________
- مشكلتي بالتجربة /
السبب اللي ما نجحت التجربة بشكل كامل بسببه هو أني بالشغل اضطريت ارسل و اكلم الناس اللي معاي ما كنت معزولة عنّهم ، احس لو ما كانت عندي أشغال من هالنوع اللي يحتاج تواصل بيكون أفضل !
لكن نسبيّاً نجحت 95% كـ أسوأ نسبة تحسب مع إني ما أحس بأنّي دمّرت الوضع هالكثر !! بس كذا عقاب ☺
- نصائح عن أهم شي خلال فترة التجربة /
- كتاب أو كُتب مفيدة تقراها " على حسب شغفك " و قرائتك > أنا كان عندي 4 كتب بما إني إحب أقرأ كثير خذيت عدد كافي احتياطي
- قائمة/لسته تسويها كلها أهداف و أشياء نفسك تسويها من زمان حتى لو بسيطة
- نشاط جديد تسويه ، مثلاً رياضة أو شي مفيد للجسم ، حتى لو أكله جديدة تجرب تسويها أو تاكلها
- تجهز جدول و تجدول الأمور بالترتيب
- تبلغ أحد بهالتحدي لأنه راح يحفّزك و تحس صعب تسحب و الا تغير رايك عشان فيه أحد يعرف *ويمكن يتطنزّ عليك لو فشلت*
- قواعد جديدة في حياتك تبدأها ، و مهم تكون منها إكتساب شي جديد
- دلع نفسك، لا تخليك تحس بشي ناقص او مو موجود
- تمشّى غير جوكّ ، ما بين شغلة وشغلة لا تحكر نفسك أبد
- تبلغ أحد بهالتحدي لأنه راح يحفّزك و تحس صعب تسحب و الا تغير رايك عشان فيه أحد يعرف *ويمكن يتطنزّ عليك لو فشلت*
- قواعد جديدة في حياتك تبدأها ، و مهم تكون منها إكتساب شي جديد
- دلع نفسك، لا تخليك تحس بشي ناقص او مو موجود
- تمشّى غير جوكّ ، ما بين شغلة وشغلة لا تحكر نفسك أبد
- استفدت بعد التجربة :
- عرفت وقت الإستخدام الصحيح للبرامج و عرفت كيف أقلل من إدماني عليها أو حتى وصلت لمرحلة إني أنساها
- إعتمدت كثير على عقلي بسبب أنه ما تشتتّ الفترة اللي كانت بدون برامج تواصل و صرت أتذكر أكثر و أكتب أكثر
- عشت اللحضة حسيت مو لازم أنلهي بشي أو أصوّر بإستثناء لما سافرت لأن كنت ناوية أجرّب تجربة الفلوق مدري صار كليب
- تعلّمت أشياء جديدة بدون محد يقول لي أو يشير عليّ فيها ، تعلّمتها لحالي
- تعرّفت على أهلي من جديد بما أننا ننشغل بالجولات غالباً عنهم
- عرفت وقت الإستخدام الصحيح للبرامج و عرفت كيف أقلل من إدماني عليها أو حتى وصلت لمرحلة إني أنساها
- إعتمدت كثير على عقلي بسبب أنه ما تشتتّ الفترة اللي كانت بدون برامج تواصل و صرت أتذكر أكثر و أكتب أكثر
- عشت اللحضة حسيت مو لازم أنلهي بشي أو أصوّر بإستثناء لما سافرت لأن كنت ناوية أجرّب تجربة الفلوق مدري صار كليب
- تعلّمت أشياء جديدة بدون محد يقول لي أو يشير عليّ فيها ، تعلّمتها لحالي
- تعرّفت على أهلي من جديد بما أننا ننشغل بالجولات غالباً عنهم
و هذي تجربتي بالمختصر ، جرّبوها و أحكوا لي عن تجاربكم
و يشّرفني تواصلكم على حساباتي
ليست هناك تعليقات:
إرسال تعليق