دوّنت لكم كيف تـسوي كفر للجوال ، وصوّرت لكم فيديو والخطوات والملاحضات..
طبعًا كانت عندي تجربة بسيطة سابقة 🙄 و هذي هي :
أما في هذي التجربة ما كنت مخططة لها من قبل..
طلبت من إحدى المواقع كفر جديد و لكن جا أصغر من جوالي مدري كيف كذا ! 🙃
المهم تحمّست أعدّل الحالي و أصنع لي كفر خاص فيني💅🏻
و خصوصًا إني أبغى أكثر من ستايل في كفر واحد و هذي انسب طريقة ، أني اسوّيه بنفسي 💆🏻♀️
و أتوقع في كثير زييّ حابين تكون أشيائهم فيها لمستهم الخاصة و بـ ذوقهم في التفاصيل
كنت صوّرت بعض اللقطات الأولى عبر الانستقرام و حبّيت أشارككم فيها كتدوينة لأن لقيت تفاعل هناك للفكرة
قبل كل شي لو حابين تضيفوني بالانستقرام هذا حسابي : majdawyh@
الملاحضات :
١- طبعًا نبدأ بالألوان ، كانت موجودة في البيت "بيتنا فيه فنّانين" و أنا سرقتهم الأغراض كلها 🌚
أتوقع تلاقوها كلها في أي مكتبه ، خاصةً في مكتبة جرير مثلاً..
٢- ترى أخذ منّي ثلاثة أيام لأني كنت انتظره ينشف وهذي مشكلة 🚶🏻♀️
٣- فيه ألوان اسمها زيتيّة مدري وش ، المهم لا تستعملوها تراها ما تنفع > قالوا لي كذا مو من راسي🤷🏻♀️
٤- بالأخير بعد ما يـنشف بشكل كامل كان عندي خيارين اما الصّق فوقه لصق شفاف أو مناكير لامع .. لأن قررت
يـكون لامع و ثابت ف حطّيت بالفُرشاه مناكير سائل * شفاف * عشان يعطي شكل جميل بالنهاية و أحسه مناسب مرة بس ترى غمّق الألوان + كانت الطبقة مو ثقيلة و اضطريت بالأخير أحطّ لصق عشان لا ينخرب للإحتياط بس..
التطبيق :
كان في بالي الخلفية فاتحه و فيها بعض الألوان "تركوازي+سماوي+ابيض+اخضر+أصفر+ازرق+بنفسجي"
بشكل سماوي ثم تفاصيل هندسية بالـذهبي و خطوط لونها ذهبي و فضي
ثم بالوسط كتابة للنصّ " لا تتوقف - Dont Stop"
كـ الهام أشوفه بشكل يومي و عبارة محفّزة أكيد 💙
أخيرًا أترككم مع فيديو التجربة وفيه تفاصيل كثيرة بالخطوات :
و أدري مو أحسن شي صار بالعالم خصوصاً إني مو رسامه أو شي..
بس طلّعت الفنان اللي بداخلي و إذا حابين تبدعون و تصيروا فنّانين جرّبوا بس 👍🏻🤩
ليست هناك تعليقات:
إرسال تعليق