⬜️ كيف تتغير في 7 ايام ؟
بدايةً في هذي التدوينة راح أكتب بعض الأمور اللي جرّبتها و ضبطت معاي، وبعض الأمور المهمة بشكل عام،
مافي بالتدوينة حركات سحريّة ممكن تغيّرك طالما أنت ما تبغى أو كسول أو بس تتمنى ..
لازم تطبّقها بنفسك و بـ جدّية و بتشوف النتيجة حلوة بإذن الله 👍🏻🧡
⬜️ راح أبدأ بتجربتي خلال الـ ٧ أيام الماضية :
خلال الاسبوع الماضي ولمدّة 7 أيام كتبت يومياتي بشكل مختلف و نشرتها عبر تويتر ..
طريقة الكتابة هي زبدة الموضوع /
أوزّع أحداث اليوم الجديدة - مو الرّوتين -
لـ قسمين أو قائمتين و هي " ايجابية و سلبية" 📖
و يكونوا نفس العدد باليوم ، مثلاً اليوم 6 أمور إيجابية ، 6 أمور سلبيّة و هكذا
-اختاروا العدد انتم ، أنا كل يوم كان عندي عدد حسب الأحداث نفسها-
وأوزّعها في القائمة .. كل يوم ، طبعاً مو ضروري أشاركها
بس حبيت المُشاركة بتويتر عشان آخذ رأي الناس و انطباعهم المبدئي عن هالتجربة
و بعد ما جربّت .. بأقول لكم الإنطباع عن التجربة أولاً ثم عن أمور ممكن تفيدكم لتجارب مُماثلة تغيّركم للأحسن 🤩
⬜️ الإنطباع :
١- كل يوم صرت أركّز أكثر وش ممكن يكون إيجابي و بعض الأمور السلبية ما اتذكرها الا لما اجي بأكتب.. يمكن هذا عائد لطبعي الإيجابي أو ممكن السبب كثرة التركيز على الأمور الإيجابية في كل يوم .. مهم تتعوّدوا دائماً تشوفوا الأشياء الإيجابية أو أي شيء إيجابي ولو كان بسيط وصغير 🌟
٢- لما ركزت أكثر و عرفت شنو الأمور الضرورية في حياتي"منها القراءة والكتابة" مثلاً .. وعرفت من خلال هالأيام كيف التزم فيهم.. بأنه راح يتسجّل لي هالإنجاز و راح أفتخر فيه آخر الأسبوع و فعلاً خلال هذي المدة خلّصت كتاب رغم إني ماكنت مخطّطة أو متوقعة هالشي .. بس لأني ركّزت أكثر على رغبتي في القراءة اليوميّة ✨
٣- تخطّيت صعوبات أوّلها التعذّر بالوقت ، لما تخلّي نفسك حاسس أنه بيمديك تسوي أشياء كثيرة في اليوم فعلاً بيمديك حتى لو ما كتبت لها جدول، و تلاحظ تطوّرك مهما كان صغير ، و لو كان كلمة بس.💡
٤- الأمور السلبية بمجرد كتبتها خف عليّ العبء والألم لها، و أحس تجاوزتها بمجرّد الكتابة عنها ، و أنه إذا صار شي سلبي بهاليوم تقول عادي وتعدّيها لأنك متأكد أنه في أمور ايجابيه أيضًا ممكن تسوّيها وتعوّضك عن السلبيّ.. وبالعكس خلاني اتحمس كل يوم وش راح اسوّي شي ايجابي عشان العدد المُحدد ما أخلّي فيه سلبيّات أكثر من إيجابيات.. كلهم بيكونوا متساوين بـ يومي 🔋
٥- نهاية اليوم وكتابة كل الاشياء له طعم خاص، و مشاركة الناس بالامور السلبية احسّه قواني اكثر على اني كنت متخوّفة منه أول شي شوي ، بس خلاني اعترف اني مو كاملة ولا بيرفكت في حياتي اليوميّة و انّي بشر عادي.. 🤷🏻♀️
⬜️ الملاحضات :
- انا بطبيعتي انسانه ايجابيه و هالشي ما يخليني احيانًا اعرف السلبية او أن هذي السلبية جايتني من وين ، و انساها.. حسيت التجربة عالجتها و عرفت أنه ممكن تصير أشياء سلبيه و لازم نعرفها ونعترف بها، عشان نتعلم منها و ننتبه منها أيضاً 💆🏻♀️
- اساس التجربة هي للأفعال -للأشياء اللي أسويها- مو الأشياء اللي صارت أو الأشياء الروتينية المتعودة عليها و ما اشوفها انجازات ، وبالرغم اني كتبت بعضها كذا أعترف.. حاولوا تكون للأمور اللي تسووّها أنتم مو الأمور اللي صارت. ✅
- تعودت على وقت محدد لكتابة هذي القائمة لذا صار مخي يتذكرها تلقائيًا نفس الوقت هذا ⏰
- السيء بالتجربة انه توقيتها مو مناسبني شخصيًا، هذي الأيام ما عندي روتين فيها و أمور كثيرة متلخبطة عليّ، لو كانت وقت آخر كانت حـ تمتلي القائمة ↗️
⬜️ أمور أخرى مفيدة :
* تقدروا تستغنوا في التجربة عن قائمة الامور السلبية وتخلوها فقط ايجابية و تكتبوها يوميًا لين يخلص الشهر او الاسبوع و تراجعوها بتحسوا بالفخر بأنفسكم بدال ما تحسّوا باحباط لو مرّ يوم بالشهر ما انجزتوا ، حتشوفوا الإنجازات الثانية وتفرحوا لما تشوفوا أنكم مو عايشين كذا وعندكم انجازات 🎯
* الحافز اللي لقيته من تحديد توقيت للكتابة رهيب تقدروا تخلّوه نصف اليوم مثلاً مرة و مرة آخر اليوم ، بالبداية كنت اكتب آخر اليوم، بس على آخر أيام جربت اكتب الانجاز بوقته وحسيت فرق حتى الأمور السلبية كانت تهون على نفسي أنه لما كتبتها عدّت 📝
* تقدروا تخلوها خاصة و ما تشاركوها أبداً، سويت مشاركة بتويتر بس أحس أفضل الخصوصية في بعض الأحيان.⚠️
⬜️ صور من هذي القائمة عبر تويتر كـ أمثلة لكم مو شرط تسوون نفس الشي:
ليست هناك تعليقات:
إرسال تعليق