~ محاولة إهداء !
ترى جانا مطر ، يا عساه لقبرك وصل ..
أعرفك يا الغالية " تحبين المطر ..
هالمطر يشبهك كثير ..
يشبه عطرك .. يشبه طيبك و طهرك ..
يشبهك بعطفك و حنانك .
عطانا ربي مطر :"
رش هالأرض و طهّرها طهر ..
ذكرني فيك يوم كنتي تقولي /
ربي سامح كل من خطى عليّ لو كان بدون سبب أو عذر !
يا طهارة روحك ، كنّها مطر !
ياما كنتي تدعين وقت المطر ..
ترفعين يدينك للسماء و تطلبين رب(ن) كريم ،
رب(ن) يعطي كل محتاج و يغفر لكل أثيم ..
كنا صغار نجتمع حولك ، و نسمع دعواتك ..
كنتي تقولي /
أدعو ربي هو اللي عطانا الخير و رشنا بالمطر ..
صحيح ما نفهم قصدك وقتها ، بس نرفع يدينا و نسوي زيك ببراءة ..
صرنا كبار ، كبرت
فهمت أن هـ الدنيا ممر ،
يعني لازم نذوق فيها من المر ،
و بعده بـ تحلى ألوان الدهر ..
سبحان الله ! كأن حياتنا زي يوم المطر .. !
فجأة يظلم اليوم كنه مساء !
و نشوف برق و نسمع رعد .. !
أحيان نشعر بالخوف و ننسى أن ربي أمر !
لكن يتغير الجو بفضل رب البشر /
و يهطل لنا من الغيوم رش و يبدأ المطر !
يسعد أرواحنا و ينسينا الهمّ و أنواع النكد .. !
.. ترآ جانا مطر :"
يارب مثل ما غسلت الدنيا بغيم المطر ...
أغسل قبور أموات المسلمين بهالمطر غسل ...
و أجعل لهم و لنا في الجنة مقر .
#مجده
ارشيف مُمطر !
ليست هناك تعليقات:
إرسال تعليق