في هذي التدوينة كتبت لكم خطتي لـ 2020
و زي كل عام ، ما أكتب لكم الخطة في تدوينة إلّا بعد تجربتي لها
عشان أعطيكم التفاصيل كلّها وكل الإيجابيات والسلبيات ✨
بالصدفة طبعاً ، هذي الخطة أعتبرها بسيطة و مو مكثّفة ومجدّولة و معقّدة
لذا كانت متناسبة جداً مع أحداث ٢٠٢٠ الحمدلله 💕
راح أشرحها لكم لليّ حابين يطبّقوها بأعطيكم ملف جاهز باقي بس تحددوا أهدافكم و تكتبوها فيه 😍
الفكرة هي كلمات إخترتها، أكتب تحت كل واحده ثلاثه أهداف أو أكثر حسب المناسب ..
اكيد متنوعة، و يفّضل بالاول تكتب الأهداف لو نصفها على الاقل في ورقة ثانية
ثم تضيفها و ترتبها عندك بالجدول
الجدول ما فيه قوائم مهمة أو غير مهمة ، عكس العام السابق..
بس عبّيته بأشياء حابة اسويها او حابه اغيرها او حابه تكون معاي ✅
بسم الله نبدأ /
*التجارب 🎡
لأني واحده احبّ أجرّب وأكتشف من ضمن الاهداف كان موجودة
| مثال : حددت اجرب اكل جديد ماقد ذقته
*الفنّ 🎬
ومين ما يحبّ الفنّ
| مثال : حددت أتعرف على فنّ جديد و أتفننّ فيه
*السعادة 💛
كل واحد عنده قائمة امور تسعده ولكن فيه سعادة ما تجي الا بفعل شيء مختلف وهذا القسم لها
| مثال : حددت اشتري أشياء جماليّة
*المال 💸
رغم اني فكرت من قبل ما اضيف شي يخصّ المال لأنه الحمدلله صرفي كويّس جداً بس حبيت يكون هذا
| مثال : حددت الهدف لأشياء ما تتحقق إلا بالمال ..
*الهوايات 👩🏻💻
دايم عندي هوايات أحبّها ، ولكن ضروري يكون لها وقت اكبر
| مثال : حددت أكتب رواية كاملة
*الجسد 🧘🏻♀️
ما استغني عن الرياضة ، ولكن ما عندي جدول و بنفس الوقت ما ركّزت على أكلي من قبل
| مثال : حددت اقلل نسبة السكّريات ، ثلاثة ايام بالاسبوع تمارين
*الراحة 💆🏻♀️
منطقة الراحه أسميها ؛ حاولت أكتب أشياء تخلّيني مرتاحة وأبدأ أؤكدّ عليها
| مثال : حددت ترك الحِوارات أو الأشخاص المزعجين المقلقين المُمرضين، ونوم كويّس..
*الروح 📿
أحبّ اخصص دايم شي لأجل الله وأخلص نيّتي
| مثال : رغم ما يحتاج مثال بس حددت أحاول أصوم الأيام الفضيلة اللي اقدر عليها
*الخاطر ⚙️
هذي عبارة عن اي شي خاطري فيه مو شرط تبع شي بس أبغى أسويها
| مثال : حددت أكتب بودكاست
*النجاح 🎯
هنا الأمور الجدّية كاملة بخصوص الشغل التطوع، والباقي كلّه
| مثال : حددت خطة لأهداف فريقي
الفكرة الثانية في الخطة 🔋 :
آخر شي اضافة جداً محفزة ومفيدة وحبيت اسويها..
هالمرة كتبت لي 11 نصّ أقرأه اول او آخر كل شهر، وهو يكون المحفّز لي وامشي عليه ، وطبعاً ما يصير اقرأه الا بوقته يعني ما اقرأهم مرة واحده باي وقت الا اخر الشهر رسالة الشهر ، الفكرة جتني بعد شهر يناير عشان كذا 11 شهر بس
و طبعاً خليت يوصلني إشعار من التقويم لنهاية كل شهر بالنّص اللي كتبته عشان ما يحتاج أتذكّرها أو نسيت
للمعلومية بس💡
كتبت هذي الخطة الساعة 3 الفجر يوم 3 شهر فبراير من 2020
مو شرط تبدأ خطّتك من 1\1 السنة كلها بيّدك إبدأ وقت ما تحسّ أنك مستعدّ تبدأ
و اتمنى تكون السنة الجاية سنة جميلة و نحقق كل أحلامنا
الرابط للملف اللي سويته لو حابين تكتبوا فيه جاهز للتحميل ⬇️
الملف
أي أحد حاب يطبّقها ترى يفرّحني لو بترسلوا لي أشوفها عبر تويتر & انستقرام : majdawyh@ 😍
*
تدوينات سابقة بخطط السنوات الماضية:
*
أمنياتي لكم سنوات سعيدة دائماً
ليست هناك تعليقات:
إرسال تعليق