و هالمرة جبت لكم تدوينة فيها تصميم جاهز ، و فيها طريقة التصميم بالتطبيق، و بعض الإضافات اللي تحتاجوها والمعلومات .
أنا ما احتاج CV في الفترة الحالية بس حبّيت أسوّي واحد كتجربة وأشارككم تطبيقه عشان تستفيدوا و كذلك أعطيكم نسخة مجانيّة بالتأكيد ، تستفيدوا منها
نبدأ بالمكتوب :
- ذكر الدورات و الخبرات و المشاركات و الأهداف
- ذكر الاعمال التطوعية إن وُجد وهذي إضافة مهمة
- التوضيح بنسبه معيّنة لـ بعض الامور مثلاً اللغات و غيرها
- التصميم بسيط دون تفاصيل كثيرة
- ذكر الحسابات الرسمية والرقم و البريد الإلكتروني
- التسلسل الزمني ، كثير يسألون وش كنت تسوي من بعد التخرج للحين؟
مهم تسوي تسلسل زمني بحيث كل سنة تذكر انجازك فيها ، سواءاً بدورات أو خبرات أو نشاطات
- إذا يلزم ، تكون السيرة الذاتيه نستختين عربي و انجليزي ، وسوّيت التصاميم نستخين لهالشّي باقي تعدّلوا المكتوب
- لا تبالغ في المعلومات أذكر المهم بس و عرّف عن نفسك بمصداقية ، مثلًا مستواك باللغة جيد لا تحطّ ممتاز عشان حتى لو قبلوك بتتوهّق بعدين
- مهمّ تذكر الأسماء "أسماء الجهات" وتوضّحها
- بعض الدورات أيضاً تكون مهمة حتى لو كانت شخصية مُهم تذكرها ولو فنّيه زي الفوتوشوب أو مهارة التفكير وغيره إذا تحتاجها في وظيفتك
واللحين نجي للتصميم :
طبعاً التصميم أخذ مني ثلاثة مراحل ..
- أول مرحلة بالفوتوشوب استخدمت برنامج نوع "POTO.."وهو بديل للأساسي أو استخدموا العادي مو مشكله ..
- حبيت أختار نمط التصميم لذا سويّته بالفوتشوب أسهل وصوّرت الخطوات جداً سهلة للي حاب يعتمد على نفسه أو حاب يكون له CV من تصميمه
- الخطوة الثانية ببرنامج"Pages" وهو بديل للبوربوينت تقدر تستخدمه عادي، بس اخترت البرنامج هذا لأنه سهل للكتابة + للـحفظ
PDF + و التصاميم البيانية تكون جاهزة.. وصورت الخطوات برضو
- طبعاً البرامج اللي استخدمتها خاصة بأجهزة آبل و بالماك بوك فقط ؛
ولكن لو عندكم ويندز تقدروا تستخدموا البرامج المناسبة عليه زي ما ذكرت لكم
كان كتجربة ، و بس حبّيت أجرّبها معاكم ..*بعض المعلومات اللي كتبتها في الفيديو مو صحيحة ولا في مكانها الصحيح إذا جيتو تكتبوا لا ترتّبوها زييّ لأن المكتوب كان أي كلام وقتها، أهم شي التصميم* باقي بس تحطّ معلوماتك فيه أو تعدّل اللي تبي بأي برنامج وتعيد حفظه.. و طبعاً المستطيل اللي فوق تقدر تحطّ فيه صورتك
اللحين بأحط الوسائط بدايةً صورتين للتصميم بدون أي إضافات ، ثم فيديو الشرح ، ثم روابط الـ PDF وهم ملفّين و بيسعدني لما تخلّصو أشوف تصاميمكم و اضافاتكم وكذا 💙
ليست هناك تعليقات:
إرسال تعليق