كيف تبدأ في التطوّع ؟! 💚

-

كيف تبدأ في التطوّع ؟ 

" فعاليات التطوع و أنواع التطوع كثيرة " 

في هذي التدوينة راح أساعدكم بذكر بعضها 

و كيف تختار المجال التطوعي اللي يناسبك و تحبّه ، ثم تبدأ تتطوّع فيه 

* بدايةً و قبل كل شي لك كـ متطوع :

قبل ان تنوي وتقدم بالتطوع إنوي ان إخلاص العمل لله وحده
واحتساب الأجر من عنده ، و فكّر بأهمية عملك التطوعي
و القيمة اللي راح تضيفها للمجتمع ، لأن لا يوجد عمل تطوعي بلا قيمة 👌

* إعرف مفهوم التطوع : 

وهو تقديم العون و النفع "لمن يحتاجون اليه" طوعا من "دون مقابل" ✋

* انواع التطوع :

بأوزعها لثلاثة أقسام /
- فردي ، مؤسسي 

- الكتروني ، ميداني

- بموهبة ، بعطاء

* التحديد :

كل شخص تختلف مهاراته و إمكانياته و ظروفه عن الآخر
لذا إختر ما يناسبك و يناسب شغفك أنت منها ..

القسم الأول :

- إذا كنت شغوف بالعمل المنظّم و الجماعي فإختر المؤسسي
و هو التطوع مع جمعيات تطوعيه و مؤسسات و فرق ..

- أما إذا كان تطوّعك حسب وقت فراغك و إمكانيتك و أفكارك
فإختر الفردي وهو النوع اللي تحدد أنت وش تسوي فيه ..

أما في القسم الثاني :

- الميداني معروف وهو إنت تروح مع فريق أو لوحدك
لمكان يحتاج عطائكم و تتطوعوا فيه بفترة معينة

- الإلكتروني ولأن كثير يتعذّرون إن ما بيقدروا يتواجدوا في مكان بعيد
أو يروحون لمكان يتطوعوا .. لهذا فيه تطوع إلكتروني يناسبكم
وتتواجد لك إلكترونيا فرص كثيرة بعضها بمهام للموهوبين أو حتى بدون موهبة

و القسم الثالث :

- للي عندهم موهبة أو حتى شغف بمجال معيّن
" حتى لو تخصصك الجامعي" تقدر تتطوع فيه و تفيد فيه

- للعطاء وهو متنوع مثل التطوع للإغاثة أو للتنظيم وهكذا ،
ما تحتاج فيه إلا أنك تساعد بمجهودك ووجودك

* الفرص الممكنه :

⬅ موهبتك مهما كانت أكيد لها إحتياج ،
و من تطوّعك بها تنشرها أكثر و تُفيد بها غيرك 

⬅ في كل مجال متطوعين ، و في كل جامعه " غالباً"
قروبات تطوعية تَعرّف عليهم 

⬅ ميدانياً *وفي كل ديرة* فيه جميعات خيرية تحتاج متطوعين
و مجموعات تطوعيه منفردة كذلك تحتاج إنك تبادر معها 

⬅عبر برامج التواصل الإجتماعي و من خلال حسابك
 تقدر تتطوع و تساعد غيرك .. بنشر مساعدات مثلاً أو إقتراح أفكار،
أو تثقيف الناس و مساعدهم في مجال شغلك و تخصصك
أو شي تحبه و فاهم فيه 

⬅ الجمعيات و المؤسسات التطوعيه الموثوقه لها حسابات
عبر برامج التوصل و ينزلوا إعلانتهم عليه لما يحتاجوا متطوعين
و عندهم مواقع الكترونية تقدر تسجّل نفسك عندهم
و راح يتواصلون معاك لما يجهزوا العمل 

⬅ لما تكون حاب التطوع فكل متطوع هو فريق تطوعي كامل
لما يحبّ اللي يسويه و يبادر من نفسه ، احرص دايم تنعكس
هذي الصورة الحلوة عليك في حياتك و حساباتك في مواقع التواصل
و خلّ الناس تحبّ تتطوع منك 

الأهم ؛

كيف و وين نلاقي لنا فرص تناسب إمكانياتنا بعد ما نحددها ؟
بإختصار و بكل بساطة /

هذا كله تقدر تلاقيه من خلال "بحث|Search" على تويتر 💙💁

أخيراً :

الحب عطاء 

والعطاء تطوّع

لذا : حبّوا التطوع 💘

- 

فِكرة :

يمكنكم التواصل معي عبر تويتر آو السناب إذا حابين 

أرشّح لكم جهات تتطوعوا معاها أو أي أسئله ثانيه تخصّ التطوع و أفكاره

إذا ما لقيتوا فائدتكم من هذي التدوينة  .. و تسعدني مساعدتكم  💫

تويتر & سناب شات : majdawyh@